ARTIKEL

Darul Hana dikemansang nyadi Mengeri Pintar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sitak Darul Hana deka nyadi palan keterubah endur bejalaika Program Mengeri Pintar (Smart City) dalam Pelin Besai Mengeri Pintar Kuching (Master Plan Kuching Smart City).

Kepala Menteri Datuk Patinggi Abang Johari Tun Openg madahka, udah nya program mengeri pintar tu deka dikerembai ngagai Pelilih Menua Padawan enggau Samarahan.

“Udah Autonomous Rapid Transit (ART) berengkah semua tu deka disambung enggau pelasar pintar magang.

“Semua tu ulih bejalai manah (mungkur semua) ngujungka orang deka bejalai kitu sereta meranakka puku di menua kitai,” ku iya.

Abang Johari bejaku munyi nya lebuh Bejadika Pelin Besai Mengeri Pintar Kuching (Master Plan Kuching Smart City) ti dipanchar terus ba Facebook Ukas ditu, kemari.

Ku iya, udah nya ila, program mengeri pintar tu deka digaga ba Bintulu laban pelilih Samalaju enggau Kidurung udah dikerembai.

“Nya alai, kitai mega begunaka ART entara Bintulu enggau Samalaju ungkup perengkaguna pemun rayat din.

“Palan tu mega deka begunaka mobiliti penyambung enggau arus penyambung pintar (smart networking),” ku iya.

Abang Johari madahka, teknologi tu patut diatur manah ungkup pengelikun dalam pejalai ngubah Kuching nyadi mengeri pintar sebedau dikerembai ngagai mengeri bukai di serata Sarawak.

“Pekara tu begunaka kaul ti manah entara Kaunsil Multimedia Sarawak (SMA) enggau rayat awakka ulih mutarka sekeda penanggul.

“Aku ngarapka pelin tu nyadi pengepun ngagai pemansang ekonomi sereta servis menua ngagai rayat.

“Tapi puji ngagai SMA laban udah ngemujurka pengawa tu.

“Aku mega andalka mengeri kitai ulih nyadi mengeri pintar, beresi enggau nyaga rampa menua,” ku iya.

Sama bisi datai Sapit Kepala Menteri Datuk Amar Awang Tengah Ali Hasan, Menteri Kaunsil Kandang Menua enggau Pengawa Berumah Datuk Sri Prof Sim Kui Hian, Menijar Besai SMA Dr Zaidi Razak enggau ke bukai.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU