MALAWI: Siku lelaki munuh menyadi diri ti napi penanggul albino lalu nyual perengka tubuh iya nyadi ‘jimat.
Macdonald Masumbuka, 22, dibunuh menyadi lelaki iya enggau empat lelaki bukai ba taun 2018 lalu semua saspek diukum ngereja pengawa berat seumur idup.
Pia mega, siku paderi, siku pakar ubat herba, siku pegawai polis enggau dua lelaki bukai diukum jil 30 taun laban bisi bekaul enggau pengawa nyual perengka tubuh Masumbuka.
Masumbuka diripotka lenyau ba bulan Februari 2018, tubuh enggau pala iya mujur ditemu sebulan pengudah nya lalu lengan enggau kaki iya udah ditetak.
Akim Dorothy NyaKaunda Kamanga madah, Masumbuka dibunuh ba pendam pengudah dikeduan sida ti begulai semak enggau iya.
Ba Malawi, sekeda menua bukai enggau ba sitak Tasik Besai Afrika, raban albino endang udah lama nyadi tagit dibunuh laban komuniti dia pechaya raban nya bisi ngembuan kuasa ajih.






