KUCHING: Professor Dato’ Dr Madeline Berma kemari dichiri nyadi Profesor Basa ba Fakulti Ekonomi dan Perniagaan di Universiti Malaysia Sarawak (Unimas).
Nitihka penerang, Madeline dichiri nyadi Profesor Basa pengelama dua taun berengkah ari 1 Februari tu tadi nyentuk 31 Januari 2023.
Lebuh dirandau Suara Sarawak, Madeline ti mega Ketuai Komiti Hak Pendiau Rayat Malaysia (Suhakam) madahka iya apin berandau enggau Unimas bekaul pangku pengawa baru nya.
Madeline mega madahka diri deka nerangka pasal pangku pengawa baru iya nya pengudah berandau enggau raban ba Unimas empu.
Enggau peluang tu, tim Ruai enggau Suara Sarawak meri tabi puji enggau basa pemadu besai ngagai Madeline laban udah dipadu mangku pengawa chukup dipebasa nya.
Pekara tu dikearap deka nyadi peransang ngagai raban bansa Dayak kelebih agi rebak baru ba pekara pemansang ekonomi enggau dagang nengah pelajar.
