Dua agi palan ngundan minyak enggau gis udah ditemu Petronas

SEBUYAU: Petronas udah tetemuka dua palan baru ti ngundan minyak enggau gis di menua tu.

Kepala Menteri Datuk Patinggi Abang Johari Tun Openg madah, Petronas empu udah betemu enggau iya ensanus, madahka pekara tu.

“Petronas empu nyangka deka mantaika penerang berita pasal dua palan baru ti ditemu sida nya.

“Nitihka Sempekat Komersial (CSA), kitai deka ngambi bagi maya ngatur pekara tu nengah Konstitusyen Perintah Besai,” ku iya.

Abang Johari mansutka jaku nya ba aum pemberita pengudah bejadika Program Nasih Tanah Jematan Batang Lupar ditu, tadi.

Iya madah, palan baru ti ditemu tu bebida enggau palan minyak enggau gis ti ditemu ba Baram apin lama ke udah.

Suara Sarawak