ARTIKEL

KASIH… Lori labuh ke parit pengudah dilantak entukar MPV ke tepawah ari jalai sepiak ba menua Skirau, Jalai Sri Aman-Lingga.

Dua bebadi nyawa, MPV ngelantak lori semin

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIMANGGANG: Dua bebadi nyawa seraya siku da balat bakal pengudah entukar MPV ke ditepan sida tiga belantak enggau sebuah lori semin di genturung Skirau, Jalai Sri Aman-Lingga, kemari.

Tuai Polis Pelilih Sri Aman, Deputi Superintendan Mathew Manggie madah, dua iku ke bebadi nyawa nya deriba Proton Exora, Joll Mohamad, 56 enggau penumpang belakang, Latifah Mohamad, 62.

Ku iya, penumpang ba mua benama Fatimah Abdullah balat bakal.

“Pansik tumu beratika penusah nya nyadi lebuh deriba enda tetagangka MPV Exora ba rantau jalai ari Sri Aman ke Lingga nengah jalai menua Skirau lalu tepawah.

“Entukar nya dipelaba tepawah ngagai jalai sepiak lalu ngelantak lori semin ke datai ari mua,” terang iya ba sebengkah penerang ngagai media, tadi.

Mathew madah, penusah nya ngujungka lori semin labuh ke dalam parit seraya MPV Exora ensayar ke jalai kiba.

“Deriba enggau penumpang belakang MPV Exora ditukuka raban ari tim paramedik Sepital Sri Aman bebadi nyawa tekala nya dia.

“Seraya deriba lori, Wanlie Baro, 43 taun, ke tepekul dalam lori diulihka raban bomba sebedau ditaban ke Sepital Sri Aman laban bakal ba kededua kaki,” ku iya.

Mathew madah baru, tubuh seduai ke bebadi nyawa udah dibai ke Sepital Sri Aman lalu raban polis mansik kes ngena Seksyen 41 (1) Akta Pengangkutan Jalan (APJ) 1987.

Nitih ke penerang, kededua entukar ke belantak nya balat rusak.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

LCDA diminta bawa model Gedong, Lawas ke Spaoh

SPAOH: Lembaga Pembangunan dan Lindungan Tanah (LCDA) diminta membawa model pembangunan terbaik yang dilaksanakan di Gedong dan Lawas untuk diperluas ke Bahagian Betong, khususnya Spaoh.