BINTANGOR: Tiga iku penguna jalai alun nyau deka bebadi nyawa pengudah entukar ke ditepan sida aksiden di Jalai Bintangor Sarikei, pagi kemari.
Insiden tu nyadi urung pukul 8.20 pagi ngujungka deriba Produa Myvi beumur 25 taun bakal, tang udah dianjung ngagai Sepital Sarikei ngambika diperubat.
Tuai Balai Bomba enggau Penyah Penusah Bintangor Nicholas Belulin madahka, dua agi sida ti bukai ti sama nepan entukar Proton Persona beumur 30 enggau 35 taun nadai bakal.
“Ba penusah tu, kededua entukar ba rantau jalai nuju ke Sarikei.
“Aksiden nyadi maya sebuah ari entukar nya dipelabaka ngelantak belakang entukar sebuah agi ngujungka seduai sama tepawah.
“Bekau ari nya, sebuah entukar tepawah ke dalam parit lalu sebuah agi tepawah ke tisi jalai,” ku iya dalam siti penerang media, kemari.
Iya madahka, nadai operasyen dipejalaika tang Bomba tetap ngaga patau nentuka palan nya selamat ditengah.
“Kami mantu mai sida ngagai ambulans, udah nya pulai ke balai pengudah semua mujur,” ku iya.
