Dua iku melaki bini Orang Asli ngelelangka diri maya beperesa Covid-19

KOTA BHARU: Dua iku melaki bini Orang Asli ngelelangka diri ari beperesa Covid-19 ba Sepital Sultan Ismail Petra (HSIP) Kuala Krai, kena 4 Feb, pengujungka iya ditemu baru.

Ketuai Polis Kelantan Datuk Shafien Mamat madah sepasang melaki bini nya ditemu pengudah raban polis ari Balai Polis Laloh nerima penerang ari raban Opis pemansang Orang Asli (JAKOA) pasal berita dua iku melaki bini nya, urung pukul 5.30 lemai.

Iya madah, bekau ari penerang nya seraban polis mujur nangkap enggau tetemuka dua melaki bini nya ba sebuah langkau ba Sungai Sam, Gua Musang.

“Udah nya, dua iku melaki bini nya meri kerejasama ngagai polis sereta Opis Menteri Pengerai (KKM) lalu dibai ngagai HSIP ngambika diperesa sereta dikuarantin seraya nganti pemutus peresa CCovid-19,” ku iya ba sebengkah penerang kemari.

Ensana, Bernama bisi mantaika berita pasal dua iku melaki bini asal ari Pos Tohoi, Gua Musang ngelelangka diri maya orang beperesa Covid-19 kena Hari Empat ti tadi.

Nitih penerang, pengawa beperesa Covid-19 nya dipejalai pengudah anak indu seduai iya ke beumur 25 hari dikenuku positif COVID-19. — BERNAMA

Suara Sarawak