KUCHING: Sarawak diatu meri perati ngagai pemansang ekonomi bepunka data pintar ke ngembuan aplikasyen besai agi, nyengkaum dalam sektor industri enggau servis global.
Premier Sarawak, Datuk Patinggi Tan Sri Abang Johari Tun Openg madah, chara nya seriris enggau juluk ati nengeri nentuka pengawa meranak puku teknologi ke diterima ukai semina mai puku tama aja, tang numbuhka pengulih ekonomi lokal sereta ngerandang jalan pengereja Sarawak dalam industri berega tinggi.
Bechunto ke projek palan data ditu, iya madah, nya ukai pengawa meranak puku pia aja, tang perintah nengeri meri perati ngagai projek ke ulih meri rega tambah ngagai ekonomi nengeri.
Ku iya, palan data ke semina nyadi endar nyimpan penerang aja ukai reti meri asil ekonomi ke setipak enti enda digembar aktiviti ke ulih nyungkak industri enggau kereja tumbuh.
“Orang nyebut bekaul palan data laban tu ngena mayuh pengereja, tang Sarawak ngembuan penemu selektif.
“Ba aku, palan data semina engkeman kandang tujuh taun deka datai laban bisi teknologi AI ke ngasuh pejalai data ulih deras agi.
“Ba penemu aku, palan data engkau nyau lama kandang tujuh taun da laban pengerembi AI, lebuh peneras data ulih sebaka dengan panchar kilat,” ku iya.
Sama datai, Sapit Premier Sarawak, Datuk Amar Profesor Dr Sim Kui Hian; Menteri Industri Pemakai, Komoditi enggau Pemansang Kandang Menua Sarawak, Datuk Sri Dr Stephen Rundi Utom; Duta Besai Emiriah Arab Bersatu (UAE) ke Malaysia, Dr Mubarak Saeed Al Dhaheri; Presiden Dipebasa Seumur Idup Balai Dagang Enggau Industri Sarawak (SCCI), Datuk Sri Abang Abdul Karim Tun Datuk Abang Openg; Presiden SCCI, Datuk (Dr) Philip Ting Ding Ing sereta temuai dipebasa bukai. – EDISI UKAS




