Eksport telu manuk ke S’pore

KUCHING: Sarawak nguji eksport telu manuk kediri ngagai Singapore.

Sapit Kepala Menteri Datuk Amar Douglas Uggah Embas madahka Ejensi Pemakai Singapore udah meresa sekeda ladang ditu nyengkaum ba Samarahan dalam taun 2018.

“Diatu kitai benung nganti pemutus ari sida. Bala pemain industri menua kitai ngena sistem pengeluar teknologi tinggi dikena nambahka asil enggau penyikar gawa.

“Kitai nadai napi penyakit dikumbai renga Avian lalu tu siti pekara ti manah ngagai telu manuk menua kitai ba menua luar enggau pengelebih kitai dibanding enggau pemain industri ke sama menua bukai,” terang iya.

Uggah madah munyi nya pengudah pengawa nemuai ngagai Lian Hua Seng Livestock Sdn.Bhd. di Batu 17 Jalai Kuching-Serian ditu, tadi.

Suara Sarawak