ARTIKEL

Empat chef Sarawak diaku dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Empat tukang sumai tauka chef lokal mujur nurai penyulut ti chukup ngemegah lebuh diaku ba renggat antarabansa ba pengawa kulinari nengah Pekit Khadhya Khurak SuperChef ti diatur di India empai lama.

Datuk Bandar Kuching Selatan, Datuk Wee Hong Seng madah, anak Sarawak mujur nurai sejarah nengah pekit ti diaku pemadu besai di menua nya. Iya madah, penyulut nya besai reti lebuh semua tukang sumai ngaga pemutus ngena semua perengka dikena nyumai ari Borneo ba pekit nya.

“Nengah interpretasyen kreatif asil tanah lokal, sida mujur ngasil pemakai ti alus enggau narit ati bala akim antarabansa ti datai ari mayuh penatai kulinari.

“Ari nya, sida ngenataika pesan ti nyengala ngagai dunya iya nya pesaka, pengasai enggau kisah Sarawak patut bisi penuduk ba panggau kulinari global,” ku iya. Wee bejaku munyi nya ba aum pemberita Bazar Ramadan Stutong di Opis Majlis Bandaraya Kuching Selatan (MBKS) ditu, kemari.

Tampung iya, penyulut nya ukai semina ngangkat nama tukang sumai bekaul aja tang negap penuduk Kuching nyadi Mengeri Gastronomi UNESCO.

Pia mega, nya nyadi bukti pengulih pengasai lokal ba pengawa ngerapit takah budaya, ngenatai cherita enggau nyambung komuniti meraka adan. “Kami seruran chakah nyukung penau kulinari lokal sereta ekosistem kreatif industri pemakai.

“Besai pengandal kami pemakai Sarawak terus ngerembai, majak bisi inovasyen enggau diaku di renggat antarabansa,” ku iya. Seraya nya, Chef Julian Lai ari Little Hainan Restaurant ti mega siku akim ba pekit nya diberi Anugerah King Chef dikena ngaku jasa seumur idup iya ba industri kulinari. Pia mega, tiga tukang sumai Sarawak mujur nyapu tiga penuduk pemadu atas ba kategori Nyumai Nadai Api lalu Chef Robbie Richard Balcarek ari Little Fairy Cafe bulih midul emas, Chef Iana Akam ari Fairy Tavern (pirak) lalu Chef Annie Wee ari Annie Kolo Mee (engkeraju).

Chef Robbie madah, nya ukai semina penyulut iya kediri aja tang penyulut Sarawak enggau komuniti Bidayuh

. “Tu meri bukti perengka asal enggau neratif lokal kitai ulih bediri sama tinggi enggau pemakai dunya,” ku iya.

Chef Iana bela madah ke diri temegah ulih ngari ke Sarawak sereta bekunsi budaya enggau identiti nengah pemakai lalu Chef Annie nyemetak madah, inspirasyen lokal lebuh diaku sereta dikemanah nengah pengelandik enggau basa ulih pegari ba panggau antarabansa

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU