ARTIKEL

Filem Sumpahan Jerunei dipandang ba Makit Filem Amerika

Facebook
Twitter
LinkedIn
WhatsApp
Telegram

KUCHING: Filem Sumpahan Jerunei ngenang jalai pengarap etnik Melanau ba Sarawak mujur dipilih penyadung Amerika Syarikat, House of Films ngambi dipandang ba Makit Filem Amerika nyentuk 5 November tu (pagila).

Pengeluar begulai filem nya, Datin Wendy Wong madah, nya sebengkah penyulut ti ngemegah ungkup filem nya taja pen enda mujur nyapai tagit ba makit menua tu empu.

“Kami tekenyit filem tu mujur dipilih House of Films ti tebilang enggau ulah kelalu terit ba pengawa milih jalai cherita ti dipandang ba sesebuah pengawa mandang filem.

“Kami beterima kasih sereta ngarap pengawa diaku antarabansa tu ulih matak mayuh agi peminat meda filem tu kelimpah ngelakuka Malaysia ba renggat antarabansa.

“Tu sebagi ari inisiatif kami ngelakuka Malaysia ba makit antarabansa nyadi sebuah palan dagang temuai sereta ngelakuka filem tu ngagai mensia mayuh,” ku iya ba sebengkah penerang MalayMail ensanus.

Ngelansa silik, iya ngaku diri asa laban filem nya enda nyapai tagit sida ungkup makit dalam menua tu empu nyentuk besemekih enggau filem bukai baka Barbie, Oppenheimer enggau Mission Impossible: Dead Reckoning Part 1 rambau dipandang ba bulai Julai tu tadi.

Filem nya semina ulih beretan pengelama sebulan aja ba wayang menua tu empu sebedau dikuasa filem blockbuster bukai.

Taja pia, filem berantu ari Produksi Seni 2020 mujur ngembuan peminat antarabansa kediri empu nyentuk menang lima anugerah ba Anugerah Filem Florence.

Nya nyengkaum kategori Anugerah Filem Chereka Pemadu Manah, Anugerah Pirak ungkup Sinematografi Pemadu Manah (Harris Hue Abdullah) sereta Anugerah Pirak ungkup Direktor Pemadu Manah (Jason Chong).

Pia mega, Sumpahan Jerunei menang sekeda anugerah baka Anugerah Sinematografi Eropah Renggat Kelapan nyengkaum ungkup Anugerah Pelakun Indu Pemadu Manah (Uqasha Senrose) enggau Anugerah Pelakun Pemantu Indu Pemadu Manah (Daiyan Trisha).

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah