Fokus pengelantang S’wak

KUCHING: Penuduk ba kabinet Perintah Besai ke baru ukai nyadi fokus besai Gempung Parti Sarawak (GPS) ke diatu, tang berundingka dulu pengelantang menua.

Taja pia ku Kepala menteri Datuk Patinggi Abang Johari Tun Openg, iya deka beratika pekara nya enti sema GPS diberi penuduk ba kabinet Perintah Besai.

“Aku deka beratika dulu enti sema bisi kangau ngagai kitai ba kabinet Perintah Besai.

“Diatu kitai meri fokus dulu ngagai pengelantang menua,” ku iya.

Abang Johari madah munyi nya ba aum pemberita pengudah bejadika Forum Pengelantang Entara Pemegai Pengarap Renggat Nengeri beserimbai enggau Minggu Pengelantang Entara Pengarap Dunya di Auditorium Palan Penerang Islam (SIIC), Jalai Ong Tiang Swee ditu tadi.

Nangkan nya, iya mega madahka diri besetuju enggau pemutus Menteri Besai Tan Sri Muhyiddin Yassin ti udah besumpah deka nyiri menteri Perintah Besai ti lurus, bisi integriti sereta bepenau gawa.

“Tu mih pekara patut ke bendar iya!,” ku iya madah enggau nyemetak.

Suara Sarawak