Pemujur Filem ‘Belaban Hidup : Infeksi Zombie menang anugerah tikas entarabansa baka Singapura enggau Rusia chukup ngemegahka menua enggau rayat mayuh lebih agi bala pemain industri kreatif di Sarawak.
“Temegah amat ati meda filem kitai Iban ulih datai ba tikas ti pemadu tinggi sereta chukup nyulut ba industri kreatif. Meri tabi puji lalu ngenataika pengaga ati diri ngagai semua sida ti udah ngemujurka filem tu. Sukung mih pemujur tu. Enti ukai kitai sapa agi, enti enda diatu kemaya agi.”
“Aku berasai temegah dalam kandang seminggu tu laban filem kitai Iban ulih sama seriris enggau filem bansa bukai lalu mujur bulih anugerah ba tikas pemadu tinggi dalam dunya kreatif. Arapka pemujur filem Belaban Hidup tu ulih nyadika peransang ngagai pemain industri ngaga filem lebih agi raban Dayak Iban ke endang dikelala ngembuan pengaya adat enggau daya idup. Tabi puji ngagai direktor enggau tim produksyen filem Belaban Hidup.”
“Tu chukup manah laban udah ngangkatka nama filem Iban sebaka maju filem bukai di dunya tu. Arapka tu nyadika peransang ngagai pemain industri kreaf baka filem menua tu. Anang enda berani nguji ngaga filem ke baka tu. Enti kitai beserakup nadai utai enda ulih japai. Aku chukup temegah lalu berasai gaga meda pemujur tu.”
“Berasai temegah lalu ngarapka udah tu deka mayuh agi filem bepelasarka gaya pengidup kitai Iban dikeluarka jemah. Kitai Iban endang ngembuan mayuh sejarah lama enggau utai ti ulih lalu diangkat nyadika cherita dalam filem. Meri pengaga ati ngagai tim produksyen Belaban Hidup laban ari pemujur filem nya jaku Iban tau dikelala ba mata dunya.
