ARTIKEL

Gedong udah tu ukai agi nyadi menua entigis

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

GEDONG: Sitak Gedong deka ngasaika pemansang ari sukut infrastruktur kelebih agi jalai raya ti dipelaba beungkus bebilion ringgit.

Kepala Menteri Datuk Patinggi Tan Sri Abang Johari Tun Openg madah, Perintah Sarawak ngembuan tuju pemansang ungkup menua entigis nya kelimpah nyadi pemun pemansang ngagai sitak besemak baka Simunjan, Sadong Jaya, Asajaya nyengkaum Kota Samarahan.

“Gedong bisi pengelebih nyadi pasar baru enggau kitai deka nyambung nya enggau jalai raya baru ngagai Simunjan, Kota Samarahan, Sadong Jaya enggau Asajaya nyengkaum sitak bukai semak nya.

“Reti nya, Gedong deka nyadi sitak puak menua entara pemansang ke benung digaga baka ba sitak bukai, iya ukai agi sitak entigis tang nyadi sitak ke dikemansang sebaka enggau ke digaga ba Kota Samarahan,” terang iya.

Abang Johari mansutka jaku nya di aum pemberita pengudah bejadika Pengawa Nasih Tanah Jalai Lubok Teranggas ke Gedong enggau Pengawa Nyuaka Mediapads Ngagai Nembiak di Gedong enggau Simunjan, tadi.

Sama datai Menteri Dagang Temuai, Seni enggau Main Asal ke mega Kaban Parlimen Batang Sadong Datuk Seri Nancy Shukri, Menteri Dagang Temuai, Seni enggau Main Asal, Datuk Seri Abdul Karim Rahman Hamzah, Menteri Muda Pemansang Pedagang enggau Dagang Mit enggau Jelan Pemesai ke mega penyandang Dun Gedong Datuk Mohd Naroden Majais, Menteri Muda Pemansang Palan Penyangkai Kapal enggau Infrastruktur ke mega penyandang Dun Sebuyau Datuk Julaihi Narawi sereta Sapit Sekretari Perintah Sarawak, Datuk Seri Mohamad Abu Bakar Marzuki.

Ngelansa silik, Abang Johari madah deka ngagihka belanja ngagai Ejensi Pemansang Begulai Samarahan (IRSDA) ti betuaika Abdul Karim dikena ngaduka pejalai projek pemansang ti diperambu nya.
Nya alai ku iya, penembu projek jalai raya baru ba timpuh tiga tauka empat taun ukai semina meri pemaik laban ngemandakka timpuh pejalai ari Gedong ngagai sitak besemak tang mega deka nyerungkai peluang ekonomi ngagai komuniti ditu kelebih agi nengah sektor betanam betupi.

“Pekara pemadu beguna nya, jalai raya tu ukai semina nyadi penyambung rayat enggau jalai alun tang mega ngelakuka produk betanam betupi.

“Penyampau peranak rumah panjai enggau genturung pendiau ditu mayuh, nya kebuah sida ulih ngemansangka tanah sida ungkup sektor betanam betupi lalu asil nya ulih dijual ngagai makit menua nyengkaum eksport ngagai menua luar.

BERITA LAIN

Jasa indai meruan dikenang

KUCHING: Kaunsil Peranak enggau Pemansang Ruang Bilik Menua (LPPKN) udah mujur ngatur Pengerami Hari Indai Renggat Nengeri Sarawak 2024. Bisi 400 indai udah sampal datai

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU