ARTIKEL

GPS nadai penanggul nyatup PSB

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KAPIT: Sekretari Besai Gempung Parti Sarawak (GPS) Datuk Alexander Nanta Linggi madah sida nadai penanggul besatup enggau Parti Sarawak Bersatu (PSB) tauka parti bukai laban gempung sida endang udah lama sedia kenyau ari 2018 napi PRN-12.

PSB ulih bediri minta pilih ba dedini penuduk, nya hak sida tang rayat ti nentuka alah tauka menang.

Ku Kaban Parlimen Kapit, iya tu beduduk ari penerang Presiden PSB, Datuk Seri Wong Soon Koh pasal strategi parti iya ti deka bediri minta pilih ba 70 penuduk Dun Sarawak ba PRN12.

“Kami ba GPS, munyi ku kala dipadah aku, kami udah lama sedia laban suba kami ngadang PRN-12 diatur ba taun 2020.

“Nya kebuah, kami udah berengkah sedia kenyau ari taun 2019 enggau 2018.

“Aku mega kala madahka rikod pengawa kami (GPS) nyadi perintah ulih diperati ke rayat.

“Mayuh projek rayat enggau bantu disadung ngagai rayat dikena nyamin pengelantang sida.

“Aku mega andalka GPS deka mengkang nyadi perintah pengudah PRN-12 tu,” terang Nanta.

Pia mega, lebuh ditanya pasal chalun ti nukar niang Tan Sri James Jemut Masing di Dun Baleh, Nanta madahka iya ngelempaika pekara nya ngagai raban Parti Rayat Sarawak (PRS) nentuka pekara tu.

Ku Nanta, nitihka pekara ditemu iya, PRS agi berandau nentuka chalun ke engkeman dichalun ba penuduk Dun nya.

“Kebuah pia laban nya parti bukai ukai Parti parti Pesaka Bumiputera Bersatu (PBB)… aku enda ulih meri timbal pasal pekara tu. Awakka sida berandau lalu kitai anang ngachau sida,” ku iya.

BERITA LAIN

BERITA TERBARU