Harden ngamatka semaya diri

SRI AMAN: Menteri Muda Pengelantang Komuniti Datuk Francis Harden Hollis udah nyuaka geran Projek Mit Pemansang Menua Pesisir (MRP) beungkus RM110,000 ngagai tujuh gerempung ditu tadi.

Entara penerima geran MRP tu iya nya Gerempung Main Bol Bagi Menua Sri Aman (RM60,000), Komiti Pengatur Pengerami Hari Pengajar Renggat Nengeri di Sri Aman (RM20,000), Gerempung Apai Indai enggau Pengajar (PIBG) Sekula Primari (SK) Nanga Klassen (RM10,000) enggau PIBG SJK(C) Chung Hua Pantu (RM5,000).

Enda tinggal mega PIBG SJK (C) Chung Hua Bangkong (RM5,000), Gerempung Lumba enggau Pengintu Pengelantang Bomba Sarawak (PESKEBS) (RM5,000) enggau Wang Turu Pengintu Pengelantang enggau Lumba BBP Sri Aman (RM5,000).

Berebak ari nya, Harden ngarapka bantu ti diberi Perintah Sarawak ulih ngemai pemaik ngagai gerempung enggau raban sida.

Ku Harden nambah, pengawa nyuaka geran MRP tu ngayanka pengeran iya ngamatka semaya ngagai gerempung ti minta bantu belanja sebedau tu.

GERAN… Francis Harden nyuaka geran MRP ngagai Gerempung Lumba enggau Pengintu Pengelantang Bomba Sarawak (PESKEBS) sereta Wang Turu Pengintu Pengelantang enggau Lumba BBP Sri Aman disempulang Ketuai Opis enggau Pemantu Penerit Adat Bomba (PPgB) William Baheng di Sri Aman, tadi.

Suara Sarawak