ARTIKEL

MOHAMAD HELMY OTHMAN

Industri minyak sawit terus ditegap

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Industri minyak sawit Malaysia patut terus ngenegapka kualiti enggau standard pengelikun pemakai nentuka minyak nya nitih ke standard makit antarabansa ti majak nambah.


Menteri Bekebun Bedandang Besai enggau Komoditi, Datuk Seri Dr Noraini Ahmad madah, pekara nya beguna laban urung 75 peratus asil minyak sawit dikena dalam produk pemakai.


“Pekara nya ngasuh kualiti enggau pengelikun pemakai ukai pekara mit laban nya bekaul terus enggau pengandal penguna ngagai minyak sawit Malaysia.


“Nengah pengeransing industri enggau pansik sereta atur Kaunsil Minyak Sawit Malaysia (MPOB), Malaysia udah mujur mutar isu bekaul enggau pengamah minyak makai baka 3-monochloropropanediol esters (3-MCPDE) sereta glycidyl esters (GE),” ku iya.


Teks jaku Noraini dibacha Chairman Kaunsil Minyak Sawit Malaysia (MPOB), Datuk Mohamad Helmy Othman Basha rambau bejadi Seminar Nasional Bekaul Rampa Menua, Kualiti Kilang enggau Mantis Minyak Sawit (POMREQ) 2026 di siti hotel ditu, kemari.


Ba aum pemberita, Mohamad Helmy madah ke standard 3-MCPDE enggau GE ungkup industri minyak sawit nasional deka diterit bepun 1 Januari taun baru.


Ku iya, pengawa nya mega nentuka pemekuh industri nganjung data ti bekaul nentuka minyak sawit ti diasilka nya nitih ke standard ti udah ditetap.


Ba pekara bukai, Mohamad Helmy mega madah, minyak sawit mega ngesan tanggungpengawa besai ba biodiesel ti ngujungka perintah mega udah ngerembaika pengawa ngatur program nyampur biodiesel nengah meri kelala mandat B15 ngagai sektor pengangkut di selampur menua belabuh 1 June tu tadi.


“Sarawak kebendar udah bisi peneleba dulu bejalaika biodiesel.


“Program biodiesel B20 udah dipejalaika di selampur Sarawak kenyau ari bulan September 2020, nya siti da pangku pengawa ti beguna udah dipejalai industri minyak sawit kitai,” ku iya.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

Politik Semenanjung tidak jejas GPS – Abdul Karim

KUCHING: Pergolakan politik di Semenanjung Malaysia dijangka tidak menjejaskan landskap politik Sarawak menjelang Pilihan Raya Umum Sarawak Ke-13 (PRU-13), dengan perpaduan rakyat dan agenda pembangunan