KUCHING: Injinjir ba nengeri tu patut nyerungkai kereban berumah ti manahka rampa menua ngambi ulih ngurangka karbon.

Premier Sarawak Datuk Patinggi Tan Sri Abang Johari Tun Openg madah, siti ari pun pemansut karbon iya nya ari semin enggau pengawa berumah.

“Tu endang ngamahka rampa menua. Nama utai ke patut digaga kita? Kita patut ngalih ngagai kereban gadung, engka kereban berumah gadung.

“Ba tu meh inovasyen enggau chara mutar penanggul diguna lalu aku nemu, bala injinir menua tu ulih ngereja pengawa tu. Kita tau ngena inovasyen,” ku iya.

Abang Johari nibarka jaku nya lebuh Pengerami Makai Lemai Ninting Taun Institut Injinir Malaysia (IEM) Pampang Sarawak ba Hotel Imperial ditu, malam tadi.

Iya madah, Sarawak diatur meri perati ngagai kuasa gadung enggau ulih dikena baru.