SEBUYAU: Jalai Klait Entangor renggat kedua ti beungkus RM27 juta udah tembu digaga.
Jalai ti beungkus RM27 juta enggau pemanjai 9 kilometer (km) nya udah dipenyadi Menteri Muda Infrastruktur enggau Pemansang Palan Penyangkai Kapal, Datuk Julaihi Narawi.
Ku iya, jalai nya mega deka nyikap perengkaguna ngagai peranak ba genturung pendiau semak nya kelimpah meri pemaik ngagai 475 peranak Kampung Entangor.
“Entara genturung pendiau ti deka ngasaika pengelantang iya nya peranak Kampung Klait, Kampung Jeragam, Kampung Bulan enggau Kampung Kesindu.
“Pia mega, jalai tu deka ngemuntangka bala apai indai enggau nembiak Sekula Primari (SK) Bulan Jeragam mindah ke bukai tauka nurun sekula.
“Perintah Sarawak dipegai Kepala Menteri Abang Johari Tun Openg seruran meri perati ba pemansang infrastruktur rayat ba menua pesisir enda ngira maya ungkup pengelantang rayat,” ku iya meri penerang, ditu kemari.
