KUCHING: Bisi 227 penerima dirami ba Pengawa Meri Darjah Kebesaran Negeri Sarawak ti diatur ba Dewan Santapan, Kunsil Nengeri (DUN) Sarawak, kemari.
Pengawa penuh adat nya mandangka mayuh darjah kebesaran enggau pingat diberi kelai basa ngagai pengeransing enggau servis penerima ngagai nengeri enggau rayat.
Pia mega, pengawa nya dipenyadi Tuai Pemegai Menua (TYT) Nengeri Sarawak, Tun Pehin Sri Dr Wan Junaidi Tuanku Jaafar disempulang bini iya, Toh Puan Datuk Patinggi Fauziah Mohd Sanusi.
Pengerami nya belabuh enggau pengawa meri darjah kebesaran ngagai penerima tunggal Pingat Perkhidmatan Cemerlang (P.P.C) iya nya, Datin Helen Lim Hui Shyan.
Ungkup Darjah Yang Amat Mulia Bintang Sarawak-Pegawai Bintang Sarawak (P.B.S), entara penerima iya nya Japar Mustapa enggau Dr. Stephen William.
Lalu Darjah Utama Yang Amat Mulia Bintang Kenyalang SarawakPegawai Bintang Kenyalang (P.B.K) diberi ngagai 19 penerima nyengkaum Rais Ahmat, Mohd Irwan Abdullah, Ting Sie Loh enggau Joseph Chioh Hock Hua. Kelimpah ari nya, Pingat Perkhidmatan Bakti (P.P.B) bela diberi ngagai lebih 20 penerima nyengkaum Ir. Ahmad Aripin Saiman, Denny Lim, Dr. Charlie Dudang, Deputi Superintendan Polis Zuriawati Zainal Abidin enggau Aidawati Mustapha. Entara penerima Ahli Bintang Sarawak (A.B.S) iya nya Nicholas Bawin Burong, Ritchell Sidi, Wong King Ho, Walter Chang, Norliza Mohamad Salleh sereta Sussie Stuart (ngari ke niang Soontik Changkan).
Pengawa meri pingat bela ngaul Ahli Bintang Kenyalang (A.B.K) diberi ngagai lebih 30 penerima nyengkaum Abdullah Madil, Ahmad Yusof Abdul Razak, Kenedy Bungsu, Dr. Zurwina Sharkawi, Hasmah Hasbi enggau Surya Bily. Ba kategori Pingat Perkhidmatan Terpuji (P.P.T), penerima tu nyengkaum Alex Samson, Jumadi Ahmad, Nur Dayana Abdullah enggau Rosnah Tudin.
Lalu kepenudi, pengurniaan darjah kebesaran Bentara Bintang Sarawak (B.B.S) ngagai lebih 40 penerima, entara ke nerima, iya nya Ibau Emang, Charlie Avit Anyi, John Tik, Jalil Ladi, Aida Pakar, Jennifer Seping Ajeng enggau Saloma Jamit.
Pengawa tu mandangka basa Perintah Sarawak ngagai sida ti udah nabur jasa sereta ngesan tanggungpengawa besai ba pemansang nengeri sereta pengelantang rayat.
Bela datai, Speaker DUN Sarawak, Tan Sri Datuk Amar Mohamad Asfia Awang Nassar sereta bini, Puan Sri Datin Amar Fatimah Mohamad Iskandar, Menteri Industri Pemakai Komoditi enggau Pemansang Kandang Menua Sarawak, Datuk Seri Dr Stephen Rundi Utom sereta bini, Datin Sri Loretta Sawot, Sapit Sekretari Perintah Sarawak (Administrasyen), Datuk Buckland Bangik enggau temuai dipebasa bukai.
