ARTIKEL

SAMA GAWA… Harden (duduk, empat kanan) begambar enggau bala JKKK pengudah aktiviti beripai kena 23 Oktober tu tadi

JKKK patut ngatur aktiviti mai pemaik

Facebook
Twitter
LinkedIn
WhatsApp
Telegram

SRI AMAN: Komiti Pemansang enggau Pengelikun Genturung Pendiau (JKKK) megai tanggung pengawa ti besai dalam ngempung raban komiti enggau peranak di baruh sida ngadu pengawa ti mai pemanah.

Kaban Kunsil Nengeri (ADUN) Simanggang Datuk Francis Harden Hollis madahka pekara nya patut diadu awakka rayat ulih beserakup lebuh ngatur program tauka pengawa.

“Atur aktiviti JKKK ukai bepanggai ba siku tauka ruang bilik aja laban JKKK nyadi gerempung ti ngarika peranak menua.

“Baka ni mai sida ngaul diri dalam program ti diadu nya bepanggai ngagai chara ngatur enggau pengawa meransang sida,” ku iya.

Harden bejaku munyi nya lebuh ngulu Renggat kepenudi Program Beripai dibaruh Program Pemansang Komuniti Kaunsil Pelilih Sri Aman (MDSA) kena 23 Oktober tu tadi.

Ku iya, sida suah ninga jaku ari JKKK ti madah lebuh ngaga program orang enggai datai tauka nadai awak ngadu program ketegal kiruh gawa.

“Kitai nemu, program tauka aktiviti JKKK ukai diatur ninting hari, nya engka dua kali setaun aja.

“Nya alai, perambu meh aktiviti kitai lebuh baum enggau manah,” ku iya.

Iya nangkan nya madah, aktiviti ti diatur mega ungkup nemu tikas kerejasama raban tuai sereta rayat.

Dulu ari nya, program beripai ke diatur MDSA dipejalaika sida ba JKKK Kaum Cina Brayun Hilir.

LAIN-LAIN BERITA

BERITA TERBARU