JPJ nambah 13 kaunter servis

KUCHING: Opis Perengka Pengangkut Darat Malaysia (JPJ) deka nambahka kaunter servis berengkah 11 Mei tu.

Reti iya kelimpah ari tiga servis baka ti dipadah JPJ sebedau tu, opis sida deka nyendia 13 servis bekaul perengka pengangkut dagang.

Entara 13 servis nya iya nya ngaduka baru Lisin Perengka Pengangkut (LKM) ungkup kerita e-hailing, teksi enggau kerita suwa, ngaduka baru Lisin deriba (PSV) kerita e-hailing, teksi enggau kerita suwa enggau rejister baru perengka pengangkut.

Tu nyengkaum nukar nama pengempu perengka pengangkut, peminta status vontaj tauka klasik, peminta ngubah perengka pengangkut enggau peminta A16 (berat enggau nyukat).

Servis bukai patut dipinta ari Indu Opis JPJ iya nya peminta setipikit timbang, peminta masang lampu mata pijar, peminta rejister PE tauka konsultan, peminta Component Type Approval (CTA) enggau peminta Vehicle Type Approval (VTA).

Kaunter servis tu dibuka maya hari gawa berengkah ari pukul 8 pagi ngagai 3 lemai aja.

Taja pia, kaunter servis nya semina ungkup sida ke bebayar nengah e-payment pengudah pukul 11 pagi.

Nya alai, mensia mayuh diperansang bebayar nengah e-payment (kad debit tauka kredit).