Kaban Parlimen ari GPS amat bisi betemu enggau Menteri Besai

KUCHING: Kepala Menteri Datuk Patinggi Abang Johari Tun Openg ngenuku amat bisi kaban Parlimen ari Parti Gempung Parti Sarawak (GPS) dikangau betemu enggau Menteri Besai (PM) Tun Dr Mahathir Mohamad Hari Dua tu tadi.

Ku iya, pekara kebendar iya nyadi iya nya bisi kangau ari Menteri Besai lalu sida semina berandau aja.

“Aku dipadahka nya semina deligit (pengari), ukai semua kaban GPS.

Abang Johari madah munyi nya lebuh dirandau raban pemberita pengudah Pengerami Ngingatka Hari Bandaraya Kuching ke-31 di Dewan Kompleks Islam Sarawak ditu, kemari.

Nangkan nya ku iya, kangau nya ukai semina ngagai GPS media.

Bisi mega pengari ari komponen parti bukai datai ba kangau nya, ku iya madah.

Kelimpah ari nya, lebuh dirandau bekaul enggau pengamat pengari GPS nya meri sukung ngagai Tun Mahathir, iya semina nyaut ‘engka amai’ aja.

Rambau Hari Dua tu tadi, Tun Mahathir Mohamad ngenuku seraban pengari rayat datai betemu enggau iya lalu madahka sukung sida bekaul enggau pengawa iya ti nyadi Menteri Besai.

Ba pengawa nya, iya madahka nya semina pengawa betemu diri aja begulai enggau pengari rayat ari Pas, UMNO enggau GPS laban penyakal ari Pas Datuk Seri Abdul Hadi Awang suah madah sukung iya ngagai Tun Mahathir.

NERANG… Abang Johari lebuh dirandau raban pemberita di Dewan Kompleks Islam Sarawak kemari. Gambar- Ghazali Bujang.

Suara Sarawak