SIBURAN: Kampung Pesang mujur dipadu nyadi champion Pekit Pemeresi enggau Landskap Sungai ti diatur Palan Servis Kunsil Nengeri (DUN) Tarat.
Berebak enggau penyulut nya, Kampung Pesang mai pulai perais mata duit penyampau RM6,000.
Nangkan nya, Kampung Tarat Mawang enggau Kampung Munggu Kopi bela menggi penuduk kedua enggau ketiga sereta mai pulai perais mata duit RM4,000 enggau RM2,500.
Genturung pendiau ti mujur bulih penuduk tiga pemadu atas nya mega bela bulih tropi enggau setipikit ngaku ari raban pengatur.
Menteri Pelajar, Inovasyen enggau Pemansang Bakat, Datuk Seri Roland Sagah Wee Inn bisi datai bejadi pengawa nyuaka perais ngagai bala pemenang kena Hari Enam tu tadi.
Kaban Kunsil Nengeri (ADUN) Tarat nya diberi basa ngelepaska anak ikan ba sungai ba Kampung Pesang laban mujur diaku komiti pengatur nyadi palan ti beresi.
Ungkup rikod, bisi 17 buah genturung pendiau ba DUN Tarat ngambi bagi ba pekit nya. – EDISI UKAS






