SARATOK: Sapit Menteri Pengeluar Kuasa enggau Pengeraja Asal, Ali Biju nandu pengawa ngagihka kereban pengerara api ungkup pengelikun rayat ditu.

Ku Ali, tu nipakka tuju iya mai rayat kelebih agi sida ke diau ba rumah panjai enggau genturung pendiau di menua pesisir sedarka pemesai guna kereban pengerara api nya.

“Genap rumah panjai enda tau enda disikap abis nadai siti kereban pengelikun baka tu ke pesindang napi penusah ngenyit ti tau nuntung sebarang maya.

“Sida mega patut nyikap diri ngena penemu chara betul bekenaka kereban tu ari embing enggau ajar piak bekaul baka raban bomba,” ku iya.

Ali diarika pengari ari Palan Servis Komuniti Saratok udah nyuaka kereban pengerara api ngagai sekeda rumah panjai enggau rumah sembiang kemari.

Serak tu, gintir peranak Rumah Ngitar di Nanga Awas nerima enam unit kereban pengerara api, Rumah Tambi, Sungai Isu (3), Rumah Encharang, Nanga Alom (5), Rumah Handary Jantai, Nanga Maras (2), Rumah Laja Ngabong, Sungai Antu Awas (3), Rumah Thomas Malis Batu 4 (5) Rumah Hanry Sang, Ulu Krian (3) enggau Masjid Kampung Perpat (3).