KUCHING: Opis Menteri Penyerakup Menua keran nyerungkai peluang kerejasama enggau surat kabar lokal baka Suara Sarawak dikena ngeranchakka agi agenda penyerakup menua.
Ku Sekretari Pemadah Menteri Penyerakup Menua, Dr. Shatesh Kumar Sangar, kerejasama baka nya beguna endar dikena meri penerang ti manah ngagai rayat kelebih agi ba Sarawak pasal inisiatif ti dipejalai ba renggat opis menteri.
“Kitai deka nanggam kerejasama ari sukut berita lokal nyengkaum Suara Sarawak ngambi penerang bekaul aktiviti ti diatur ba renggat nengeri ulih dibantai ngagai mensia mayuh.
“Entara kerejasama ke ulih ditanggam nya bekaul program besai opis menteri ke deka diatur ba taun 2024 baka Pengerami Minggu Penyerakup Menua, Nasional enggau ke bukai,” terang iya.
Shatesh mansutka jaku nya pengudah ngatur penemuai basa ngagai Opis Suara Sarawak, ditu tadi.
