ARTIKEL

Kes ditangkap ngelanggar PKP 2 di Sarawak nurun

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Polis Sarawak ngerikod 401 iku orang ngelanggar Atur Tagang Pejalai (PKP) kenyau atur diterit kena 18 March nyentuk 8 pagi 3 April, taun tu.

Ketuai Polis Sarawak Datuk Aidi Ismail madah, majoriti sida ke ditan meri kebuah ti manah maya ba jalai alun tauka palan mayuh mensia maya pengawa ngempang jalai dipejalai ba selampur nengeri tu.

Kenu ku iya, statistik orang ke ditangkap dlaam timpuh 24 jam (8 pagi ngagai 8 pagi) kemari taja pia mandangka bisi kurang iya nya penyampau ditangkap 20 iku dibanding 32 iku dirikod kilah ensana.

Iya madah, 261 ari nya udah dituduh ba Kort bepelasarka Undang-undang Nagang Penyakit Berampit (Atur Dalam Kandang Menua) 2020 enggau Seksyen 186 Kanun Keseksaan naka kemari.

“Bisi 232 sida nya ngaku penyalah diri lalu 19 enda ngaku penyalah diri.

“Udah nya 19 iku udah dijil, 59 diletak ukum jil enggau ukum duit, 56 iku agi semina diukum duit,” ku iya nengah sebengkah penerang kemari.

Tandu iya, bisi entara sida ke dituduh nya udah dijil entara dua minggu ngagai tiga bulan.

Nangkan nya, Aidi mega madah 24 saspek ti ngaku penyalah agi nganti ripot ulah enggau 10 waran tangkap udah dibantai ungkup saspek ke puntan datai ngagai kort.

Ngelansa pasal rikod pemati ketegal Covid-19 di Sarawak, naka kemari dirikodka siku agi kes bebadi nyawa ngujungka penyampau sida ke udah lesi bebadi bisi 10 iku.

Tudah ke bebadi nyawa tu lelaki beumur 56 taun, asal ari Kpg Demak Baru Kuching. Iya nadai ba Sepital Besai Sarawak (HUS) pengudah ke dipasuk berubat kena 30 March tu tadi.

Udah nya, naka kemari mega Sarawak ngerikodka 15 kes baru ngujungka penyampau kes bisi 254 kes kenyau kes keterubah ditemu kena 13 Macrc tu tadi.

Penyampau Orang Ke Bekaul Sida Dirampit (PUI) bisi 70 iku kes baru ngujungka semua sida ke PUI naka tu 1,579 kes. Ari penyampau nya 1,135 mandangka pemutus ti negatif enggau 190 iku kes PUI benung nganti pemutus makmal.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU