Kes penyalah nurun 60 peratus

KUCHING: Rikod kes penyalah ba Sarawak nurun 1,063 tauka 60 peratus ba timpuh bulan Januari nyentuk 28 Februari tu dibanding timpuh ke sama taun nyin kemari.

Kepala Polis Sarawak, Datuk Aidi Ismail madahka 1,766 kes diripotka taun nyin kemari seraya taun tu semina ngerikod 723 kes.

“Engka kes tu nurun laban bejalaika Atur Mindah Betagang Belebas (PKPB) ke alai mensia mayuh enda dikemendar bejalai entara pelilih tauka zon.

“Atur nagang pejalai tu engka meri empas ngagai kes penyalah kelebih agi ngaul reta tengkira,” ku iya.

Aidi mansutka jaku nya ba aum pemberita beserimbai enggau Pengawa Nyuaka Pangku Pengawa Ketuai Opis Pansik Penyalah Sarawak ba Mes Pegawai Kanan Indu Opis Polis Kontinjen (IPK) Sarawak, ditu tadi,

Ngelansa silik, iya madahka kes bekaul penyalah kasar nurun pengudah ngerikod 104 kes tauka 50 peratus ngagai 96 kes taun tu dibanding 200 kes taun nyin kemari.

Suara Sarawak