PUTRAJAYA: Kimpin Meli Barang Malaysia enggau Kimpil Bejual Barang Malaysia deka dipejalai nyerumba menua udah datai ba renggat Atur Tagang Pejalai Penyuman (PKPP), pia ku Menteri Dagang Dalam Menua enggau Pekara Penguna Datuk Alexander Nanta Linggi.
Iya madahka dua kimpin nya entara inisiatif Opis Menteri Dagang Dalam Menua enggau Pekara Penguna (KPDNHEP) ngambi mantu nyungkak agi sektor renchit menua ti kusut beduduk ari Atur Tagang Pejalai 9PKP) ngambi nagang pandemic Covid-19.
“KPDNHEP udah merambu dua program besai tu lalu diatu udah ba renggat kepenudi enggau pengawa ngelancharka kimpin nya deka dipadah enda lama agi,” ku Nanta.
Nanta mansutka jaku nya ngagai pemberita pengudah ngemata pengawa nyain Sempekat Pemereti Ati (MoU) entara Gerempung Francais Malaysia (MFA) enggau pelasar bebelika barang online, Shopee ditu tadi.
Sama datai ba pengawa tu iya nya Sapit iya Datuk Rosol Wahid, Ketuai Sekretari KPDNHEP Datuk Seri Hasnol Zam Zam Ahmad, Chairman MFA Datuk Dr Radzali Hassan enggau Ketuai Kluster Barang Penguna Shopee Malaysia, Tan Ming Kit.-BERNAMA
