KUCHING: Perintah Sarawak deka ngatur Aum Besai Rabies Asia (RIA) Rabies In Borneo (RIB) 2026 ba Palan Konvensyen Borneo Kuching (BCCK) berengkah 29 September nyentuk 1 Oktober tu.
Aum keterubah ba tikas Asia tu deka ngempung bala pakar, pemansik, enggau NGO dikena berati ke pelin pemadu manah munas pengerekai igi penyakit rabies.
Menteri Industri Pemakai, Komoditi enggau Pemansang Kandang Menua Sarawak, Datuk Seri Dr Stephen Rundi Utom nyemetak madah, rabies ulih diseliah enti raban ke kena ketup ukui tauka mayau jampat berubat ngagai sepital serta nitih ke Atur Operasyen Standard (SOP) ti udah ditetap,” ku iya ba aum pemberita ba Bilik Media, Kunsil Nengeri (DUN) Sarawak, ditu kemari.
Ku iya, taun tu, Sarawak ngerikod empat kes pemati, ngasuh penyampau semua pemati manggai 94 kes kenyau ari taun 1987 ketegal laun berubat.
Iya mega madah, Sarawak keran nyapai juluk nadai rabies manggai taun 2030 tang pemar besai iya nya penatai ukui ngilah adan menua kelebih agi semak Kalimantan.
Sepanjai tiga konvensyen tiga hari nya, bemacham aktiviti deka diatur nyengkaum perambu strategik, bedua penemu, forum sereta bejuraika keretas pansik ari pakar menua enggau antarabansa.
Entara batang pekara dikerandau iya nya pemansang pemadu baru bekaul inisiatif global munas rabies manggai 2030 sereta bekunsi peneleba menua bukai nagang pengerekai igi penyakit tu.
