KUCHING: Opis Menteri Pelajar (KPM) bedau bisi perambu masang servis Starlink ba sekula menua pesisir di sitak Kunsil Nengeri (DUN) Meluan.
Sapit Menteri Pelajar, Inovasyen Enggau Pemansang Bakat ll Datuk Francis Harden Hollis madahka pekara nya ketegal KPM agi bisi kontrak servis enggau serikat telekomunikesyen nyentuk 30 June 2024.
“Tikas servis internet ba sekula menua pesisir DUN Meluan tau dikumbai ba tikas ti ngemantupka ati taja pan satelit nya kekadang napi penanggul ketegal gaya hari lalu ngujungka servis nya enda meruan ba sekula.
“SK Ulu Entabai, SK Nanga Ju, SK Nanga Ensiring enggau SK Nanga Jambu udah nerima bungkur internet nengah guna servis serikat telekomunikesyen ti dichiri.
“Naka diatu, semina Sekula Primari (SK) Nanga Ensiring ti nerima bungkur internet enda manah ba DUN Meluan,” ku iya.
Harden bejaku munyi nya lebuh nyaut tanya ADUN Meluan Rolland Duat Jubin bekaul perambu masang Starlink ba sekula menua pesisir di DUN Meluan rambau Aum Kedua Bagi Penggal Kedua DUN Sarawak ti Ke-19, tadi.
