Kuntau Dayak ngemegah

Dua midul emas, siti midul perak enggau tiga engkeraju dibai pulai ari Korea

Seni ngetanka diri Sarawak, Kuntau Dayak ngayanka pengering lebuh mujur bulih dua midul emas, siti midul pirak enggau tiga midul engkeraju ba Pekit Masterships Dunya Seni Ngetanka Diri ba Chungju, Korea Selatan, apin lama ke udah.

Penyereta keterubah ba pekit tikas dunya enda nekul sida ngemegahka nama Sarawak enggau Malaysia ba tikas dunya.

Presiden SDMAA, Irwin Catland Nanson madahka pemujur dibai bala penyereta tu chukup ngemegahka ati.

“Entara pemar ditapi sida iya nya ubah gaya hari ba Korea ngujungka sekeda penyereta tabin.

NGEMEGAH… SDMAA berasai gaga pengudah mujur mai pulai enam midul ari Korea Selatan.

“Tang sida agi ulih nempa pemujur taja enda tentu bepengerai,” ku Alwin madah.

“Sida mujur ngayanka pengeransing lebuh bepekit lalu aku berasai chukup temegah enggau penyulut ti udah dijapai sida,” ku iya nerang.

Kelimpah mai pulai enam midul, tim Kuntau Dayak mega nerima Anugerah Khas iya nya tim pemadu tebilang sepanjai pekit tu diatur.

Nambahka nya ku Irwin, SDMAA deka seruran chakah ngiga penguntau biak ngarika tim menua jemah.

“Kitai deka neruska latih udah tu ngambi nyikap sida nyereta pekit ke deka datai.

“Kitai deka ngiga mayuh agi penau bukai ngambi ulih ngerembaika seni ngetanka diri Kuntau Dayak tu ba selampur Sarawak,” ku Irwin nerang silik.