ARTIKEL

Kunteriktor dipinta ngambi pekereja ari menua tu empu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SEBUYAU: Menteri Muda Infrastruktur enggau Pemansang Palan Penyangkai Kapal, Datuk Julaihi Narawi minta raban kunteriktor ngaga projek besai ngambi pengereja menua tu empu.

Ku iya, pekara nya besai reti nyadika pelin timpuh panjai ngambi matih pengereja teknikal menua ngambi ngena teknologi enggau pengelandik.

“Aku minta sida (kunteriktor) ngena pengereja menua sekalika nadai pengelandik, bisi pengelandik, juruteknik tauka injinir menua.

“Pekara tu beguna amat ngambi pengereja teknikal menua ulih dilatih bejalaika projek besai di Sarawak nyentuk dudi hari kitai bisi pengereja landik kediri,” terang iya.

Julaihi mansutka jaku nya ba aum pemberita lebuh ngabas taba Projek Jalai Sebuyau-Lingga, kemari.

Adun Sebuyau nya andalka pengereja nadai pengelandik enggau bisi pengelandik diatu ulih digiga ari genturung pendiau besemak.

“Reti iya, kitai bisi pemansutke ulih diguna enggau dilatih ba timpuh panjai,” ku iya seraya madahka bisi 80 iku pengereja menua dalam Projek Jalai Sebuyau-Lingga diatu.

Nambahka nya, Julaihi dekaka kunteriktor tauka pengempu projek suah agi ngabas taba projek.

“Udah nya, pengempu projek mesti suah agi ngabas pejalai projek kelebih agi lebuh bisi pengawa ngabas taba baka tu.

“Kebuah pia laban sida empu mesti nemu pejalai projek nya lalu kami (perintah) enggaika projek nya bisi penanggul lalu kunteriktor madahka sida enda dipadah pasal pekara tu.

“Nya alai, aku ngarapka kunteriktor tauka pengempu projek beratika pekara tu ngambi sida nemu penanggul ke nyadi di taba projek.

“Anang ngelempaika pekara tu ngagai injinir aja,” ku iya nyemetak madah.

Ungkup penerang semua, Jalai Sebuyau-Lingga tu digaga kunteriktor Sri Datai Chec JV Sdn. Bhd seraya konsultan dichiri iya nya KTA (Sarawak) Sdn. Bhd.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup