KATHMANDU: Siku nembiak beumur 18 taun ari Nepal dipadu nyadi nembiak pemadu pandak ba dunya.
Lelaki pandak, Dor Bahadur Khapangi semina ngembuan peninggi dua kaki lima inchi tauka urung 73.43 sentimeter (cm) aja.
Tuai Pegawai Eksekutif Kaunsil Dagang Temuai, Dhananjay Regmi nyuaka setipikit ngaku rikod dunya nya ngagai Khapangi ba sebengkah program.
Setipikit nya ngaku Khapangi ti ada ba taun 2004 nyadi nembiak lelaki pemadu pandak ba dunya ti agi idup kena 23 March taun nyin kemari.
Rikod indu pemadu pandak ba dunya dipenggi Jyoti Amge ba taun 2009 ti datai ari India sereta ngembuan peninggi semina 61.95 cm.
Sebedau tu, rikod lelaki pemadu pandak ba dunya dipenggi Khagendra Thapa Magar ari Nepal ti ngembuan peninggi 67.08 cm nyentuk iya midang ba taun 2020.
