ARTIKEL

Marit mayuh agi pedagang ngelala e-dagang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUALA LUMPUR: Opis Menteri Komunikasyen enggau Digital nengah Kaunsil Pemansang Ekonomi Digital Malaysia (MDEC) nyendia Program eUsahawan ungkup tuju nempa budaya ngena pengelebih teknologi digital.

Sapit Menteri Komunikasyen enggau Digital, Teo Nie Ching madah, program nya dikena nyukung pemansang pengelandik dagang digital kelebih agi ba pekara makit digital enggau e-dagang.

“Program eUsahawan nyendia bemacham latih ngansah pengelandik digital ti dipejalai chara online enggau fizikal ngagai pedagang enggau pedagang mit di selampur Malaysia,” ku iya ba pengawa nyaut tanya Aum Parlimen, ditu kemari.

Teo nyaut tanya Gobind Singh Deo (PH-Damansara) pasal inisiatif ti udah dipejalai ejensi perintah ngelaku dagang digital sereta inisiatif mantu serikat menua ba makit dunya.

Teo madah, MDEC nyendiaka sekeda modul latih program eUsahawan kenyau ari taun 2015.

Nya nyengkaum eUsahawan Fundamental bekaul latih dagang digital mungkur chara bedagang, digital enggau makit digital.

Berengkah taun tu mega, iya madahka latih eUsahawan Modular dibantai ngambi nyendia latih bekaul atur pengawa, pekara makit enggau ngena teknologi digital baka Strategi Model Dagang, Pemansang Penerang Kreatif, Pengawa Ngena Pelasar Media Rama enggau e-Dagang.

Ku iya, inisiatif nya mega mantu serikat menua ngelaku enggau ngerembai dagang ba makit menua sereta dunya.

Pia mega, MDEC bisi rentayan kerejasama ba 15 menua nyengkaum Asia Tenggara (Indonesia, Filipina, Thailand, Vietnam, Cambodia), Taiwan, Hong Kong, Australia, Jipun, UAE (Dubai), Arab Saudi sereta Bangladesh lalu diatu benung nyerungkai kerejasama enggau Korea Selatan, Turkiye enggau United Kingdom.

Terang iya, entara inisiatif dipejalai dikena mantu serikat menua rembus makit dunya nyengkaum ngaul serikat menua enggau pemain industri, mantu serikat ba aum dagang mungkur bakih dagang sereta fasiliti Geran Eksport Malaysia Digital (MDXG) ngagai serikat bekaul.—BERNAMA.

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU