ARTIKEL

PATAU… Uggah (dua kanan) ninjau Projek Ngaga Baru enggau Nyeleti Jalai Matang Renffar Dua ditu, kemari.

Menteri empu deka seruran ngabas projek

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Opis Menteri Infrastruktur enggau Pemansang Penyangkai Kapal (MIPD) deka seruran matau rat pejalai urung 50 projek ti tejanggal di selampur Sarawak.

Menteri MIPD, Datuk Amar Douglas Uggah Embas, madahka diri enggau dua sapit iya deka ngenyit ngabas enggau ngelawa taba projek nya.

Ku iya, pengawa nya dikereja laban deka nentuka projek tembu nitih taga sereta standard ti udah ditetap.

“Pengawa matau rat tu mungkur semua projek dikuasa MIPD enggau Opis Kereja Raya (JKR), kelebih agi projek tejanggal ke udah diserah ngagai kunteriktor baru tauka penyangga.

“Dipelaba bisi 50 projek baka nya di nengeri tu lalu pengawa matau belabuh enggau aku empu ngabas pejalai Projek Jalai Matang Renggat Dua, sehari tu (kemari).

“Projek tu suba endang projek tejanggal,” ku iya.

Iya ke mega Sapit Premier Sarawak bejaku munyi nya pengudah ngatur pejalai ngabas Projek Ngaga Baru enggau Nyeleti Jalai Matang Renggat Dua ditu, kemari.

Uggah nyemetak madah, dua sapit iya, Datuk Majang Renggi enggau Datuk Aidel Lariwoo, sereta Direktor JKR, Datuk Richard Tajan, mega bela deka matau enggau ngatur pejalai gawa baka nya udah tu.

“Kami deka bebagi tubuh ngambi ulih ngabas enggau matau mayuh agi pejalai projek.

“Nya alai, kami ngarapka diri ulih meda pengawa ke manah ba semua projek tu datai ba bulan April ila.

“Kami enggai meda projek tejanggal tu majak raya taja udah diserah ngagai kunteriktor baru.

“Ari nya, kami enda tau enda ngaul diri ngambi projek tembu menyana sereta berati ni bagi utai patut dikemanah tauka pekara bukai diadu,” terang iya.

Uggah mega nangkan bala kunteriktor seruran ngasika atur ti ditetapka JKR lalu terus bejalaika kereja ngaga projek dalam kandang sebulan pengudah taba projek diserah.

“Enti sida puntan, raban opis deka meri notis diketu.

“Tu siti ari chara kami nentuka projek infrastruktur tembu nitih taga,” ku iya nyemetak.

Ngenang pasal pejalai projek Jalai Matang Renggat Dua beungkus RM54.5 juta nya, iya madahka diri lantang ati meda pengawa ke dikereja ti disadang tembu ba bulan Mei 2025.

. “Tu ungkup pengawa ngaga baru enggau nyeleti jalai sepemanjai 4.44 kilometer ari dua arung ngagai empat arung.

“Diatu udah jampat 0.86 peratus ari taga asal, tang bisi sekeda pekara ti deka digerah aku ngagai JKR enggau Sarawak Energy Bhd ngambi diputar enggau lengkas,” ku iya.

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU