KUCHING: Sarawak deka ngembuan Muzium Biodiversiti ti ngempung bemacham budaya serantau, pengawa berubat asal enggau moden di Miri.
Direktor Institut Berubat Integratif di Universiti Fudan, Profesor Dong Jingcheng madah, muzium baka nya endang keterubah di dunya lalu deka dikeamat manggai tengan taun tu.
“Muzium tu deka mandang elemen penemu berubat baka peneleba klinikal, penemu pemun berubat sereta sukut budaya lokal, pengarap enggau falsafah ti nyungkak pengawa berubat,” ku iya.
Terang iya, muzium nya ukai semina muzium tang deka disikap ngena penteba khas enggau integrasyen Artificial Intelligence (AI).
“Pengawa nguna teknologi digital AI tu chukup narit ati laban ulih meri awak ngagai penguna meresa pengerai sida,” ku iya.
Dong mansutka jaku nya rambau dirandau pemberita pengudah ngatur penemuai ngagai Sapit Premier Sarawak, Datuk Amar Dr Sim Kui Hian di Wsima Bapa Malaysia ditu, tadi.
Ngelansa silik pasal kerejasama nya, iya madah, raban sida bisi ngatur penemuai ngagai Palan Biodiversiti Sarawak.
“Kerejasama tu beguna amat ukai semina ungkup ekonomi kitai tang meri peluang ngagai rebak dudi ngaul pengawa berubat moden,” ku iya.
Kelimpah muzium, iya bela madah, Universiti Fudan merambu numbuh kampus enggau sepital pengajar di Miri.KUCHING: Sarawak deka ngembuan Muzium Biodiversiti ti ngempung bemacham budaya serantau, pengawa berubat asal enggau moden di Miri.
Direktor Institut Berubat Integratif di Universiti Fudan, Profesor Dong Jingcheng madah, muzium baka nya endang keterubah di dunya lalu deka dikeamat manggai tengan taun tu.
“Muzium tu deka mandang elemen penemu berubat baka peneleba klinikal, penemu pemun berubat sereta sukut budaya lokal, pengarap enggau falsafah ti nyungkak pengawa berubat,” ku iya.
Terang iya, muzium nya ukai semina muzium tang deka disikap ngena penteba khas enggau integrasyen Artificial Intelligence (AI).
“Pengawa nguna teknologi digital AI tu chukup narit ati laban ulih meri awak ngagai penguna meresa pengerai sida,” ku iya.
Dong mansutka jaku nya rambau dirandau pemberita pengudah ngatur penemuai ngagai Sapit Premier Sarawak, Datuk Amar Dr Sim Kui Hian di Wsima Bapa Malaysia ditu, tadi.
Ngelansa silik pasal kerejasama nya, iya madah, raban sida bisi ngatur penemuai ngagai Palan Biodiversiti Sarawak.
“Kerejasama tu beguna amat ukai semina ungkup ekonomi kitai tang meri peluang ngagai rebak dudi ngaul pengawa berubat moden,” ku iya.
Kelimpah muzium, iya bela madah, Universiti Fudan merambu numbuh kampus enggau sepital pengajar di Miri.
