KUCHING: Kes positif Covid-19 di Sarawak mengkang 752 kes pengudah nadai kes baru dirikod kemari.
Komiti Penyangga Penusah Ngenyit Nengeri Sarawak (JPBNS) ba sebengkah penerang madah, dua kluster ti agi ngerekai ba menua tu iya nya Kluster Bah Arnab ba Pelilih Kuching enggau Kluster Putra ba Pelilih Bintulu.
“Kluster Bah Arnab mengkang ngerikod empat kes positif lalu naka pukul 12 tengahari kemari, bisi 40 iku udah diperesa enggau 36 iku nya ditemu negatif.
“Nangkan nya, Kluster Putra mengkang ngerikod enam kes positif nyengkaum kes indeks.
“Siti kes kaul udah ditemu enggau direjister ba Selangor.
“Naka pukul 12 tengahari kemari, bisi 133 iku udah beperesa enggau 109 iku nya ditemu negatif seraya 18 iku agi nganti pemutus makmal,” terang JPBNS.
Ngelansa silik, JPBNS madahka dua kes baru udah suman enggau dikemendar pansut ari sepital kemari nambah ngagai 690 iku tauka 91.76 peratus.
