MIRI: Staf gawa ba opis Perintah Besai nadai ditagang ngulu program diatur Perintah Sarawak, ku Sekretari Perintah Nengeri Datuk Jaul Samion.

Kenu ku iya, sida ke gawa di baruh Perintah Besai ulih ngulu sebarang program Perintah Sarawak, baka mega ke bukai.

“Nadai polisi ti nagang sebarang staf perintah ari renggat perintah besai ngulu sebarang pengawa diatur perintah menua kitai,” ku iya.

Iya mansutka jaku nya ba Pengerami Makai Lemai Ungkup Ketuai Opis Nengeri enggau Perintah Besai Bagi Menua Miri Begulai enggau Sekretari Perintah Sarawak ba sebuah hotel tebilang ditu, malam kemari.