ARTIKEL

Nambah kualiti pelajar anak mit

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengajar ba lima Tadika SeDidik Penan ti nampung pelajar ba renggat Diploma Pelajar Tumu Anak Mit ba Universiti Terbuka Malaysia deka tembu belajar ba suku keterubah 2025.

Menteri Pemansang Indu, Anak Mit enggau Pengintu Pengelantang Komuniti (KPWK), Datuk Seri Fatimah Abdullah madah, lima pengajar mega udah belajar kenyau ari September 2022.

“Sida mega deka belajar enggau ninggalka palan sida ngajar maya musin kemisi.

“Nya kebuah, datai ba taun 2025 ila, bala pengajar tu deka abis belajar enggau nerima setipikit Diploma,” ku iya.

Fatimah mansutka jaku nya ba aum pemberita pengudah bejadi Pengawa Ngelanchar Diploma Pelajar Tumu Anak Mit di Universiti Teknologi Swinburne Kampus Sarawak, ditu kemari.

Sebedau dikemanah nyadi Tadika SeDidik Penan, lima palan pelajar tumu anak mit nya di baruh Program Pelajar Komuniti (Penan) Sitak Apoh/Tutoh Miri.

Tadika nya nyengkaum di Long Leng, Ba’ Selulong, Long Kerangan, Long Kawa enggau Long Jenalong.

Pia mega, Tadika SeDidik Penan ba sitak Apoh/Tutoh Miri nya mega deka dipenyadi Premier Sarawak, Datuk Patinggi Tan Sri Abang Johari Tun Openg kena 4 Julai tu.

Berebak enggau nya, Fatimah madah, ungkus ngaga begunan tadika nya dipejalai nengah Projek Tanggungpengawa Rama Korporat (CSR) di baruh Petroliam Nasional Bhd (PETRONAS) nengah opis menteri iya enggau agih belanja penyampau urung RM2.7 juta.

“Pengudah diempu SeDidik, kami melanja ungkus operasyen, gaji pengajar enggau ke bukai,” ku iya.

Nambah ke nya, iya madah, Tadika SeDidik Penan mega sedia nyendiaka pelajar bepelasar komuniti enti sema penyampau anak mit dalam kelas mimit laban meretika penyampau nya semampai berubah.

“Kitai ulih nyendiaka kelas pengelandik baka kraf jari laban sida chukup landik ba pengawa nya.

“Nengah pengelandik nya, sida mega ulih ngelaku produk ngagai tikas ke manah agi.

“Kami mega ulih nyendiaka pelajar bepelasar pengerai, pemeresi, pengawa betanam betupi enggau ke bukai dalam komuniti nya,” terang Fatimah.

Nangkan nya, Fatimah madah, KPWK nengah Sedidik mega nagit 100 peratus pengajar iya ngembuan abis nadai Diploma Pelajar Tumu Anak Mit datai ba taun 2025.

“Nya alai, nengah inisiatif ti dipejalai diatu, aku andalka pekara nya ulih dijapai,” terang iya.

BERITA LAIN

Anang ngajum pengundi-18

KUCHING: Semua parti dilalau enda ngajum runding pengundi biak kelebih agi sida ti beumur 18 ngagai 25 taun ngena sentimen ekstrim bepelasarka bansa enggau jalai

Pemansang mengeri meseti serap

PETALING JAYA: Pemansang mengeri enda tau semina nyelinting pengawa ngaga infrastruktur enggau ekonomi tumbuh aja, tang patut berati ka rumah ulih dibeli, pengangkut mensia mayuh

BERITA TERBARU