Nembiak lelaki 17 taun entara 10 ditangkap ngelanggar PKP

KUCHING: Nembiak lelaki beumur 17 taun, entara 10 iku ditangkap ba kandang tasik ditu laban ngelanggar Atur Tagang Pejalai (PKP).

Komander Raban Polis Marin Wilayah Lima Sarawak, ACP Shamsol Kassim madah, semua lelaki nya ditangkap lebuh Op Covid-19 dipejalai.

Ku iya, kes keterubah sida mujur nangkap siku lelaki beumur 40-an ba Kampung Muhibbah, seberai Pending kena 10 April tu tadi.

Ba kes kedua, tiga lelaki beumur entara 30 ngagai 40 taun ditangkap ba jelatung Tanjung Bako kena 11 April.

Shamsol madah, ba kes ketiga, raban polis marin mujur nangkap enam lelaki beumur 17 ngagai 27 taun kena 12 April ba Pengkalan Sungai Balang.

“Semua sida nya ngereja penyalah di baruh Peraturan 3(1) enggau ulih diukum nitihka Peraturan 11, peraturan yang sama,” ku iya meri penerang, ditu tadi.

Suara Sarawak