Nembiak patut ngubah runding

KUCHING: Penyampau raban nembiak ngaul diri ba sektor betanam betupi di Sarawak semina 12 peratus aja.

Menteri Muda Betanam Betupi, Tanah Adat enggau Pemansang Kandang Menua Datuk Dr Abdul Rahman Ismail madah, sida naka ulih ngubah runding raban nembiak ngambi bisi ati ngemansangka industri betanam betupi moden menua tu.

“Kitai naka ulih mai sida sedarka industri betanam betupi tu ulih meri untung besai enti bebendar dikereja.

“Kelimpah ari ngiga untung, sida mega patut meretika pengelikun pemakai meseti dijamin nitihka standard makit Singapore,” ku iya.

Abdul Rahman bejaku munyi nya ba aum pemberita pengudah bejadika Licha Revolution Agriculture Through Industry 4.0 di Malaysia Productivity Corporation (MPC) ditu tadi.

Suara Sarawak