ARTIKEL

OCBC Bank, Perintah Sarawak nanggam kerejasama

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Raban OCBC Bank (Malaysia) Berhad udah nyikap diri bekerejasama enggau Perintah Sarawak ba pengawa nyukung strategi enggau inisiatif pemeruan menua tu.

Tuai Pegawai Eksekutif (CEO) OCBC Bank (Malaysia), Tan Chor Sen madah, Sarawak ngembuan pengulih besai kelebih agi ba pengawa bejalaika polisi ekonomi gadung nengah kuasa ulih dikemaru.

Pangku pengawa Sarawak nyerungkai pemansut teknologi gadung endang besai ukai semina ba Malaysia aja tang ba rantau tu.

“Kitai meda Sarawak nyadi menua ti ngembuan mayuh pengulih besai ti meruan lalu diatu Sarawak ngaku pekara tu baka ti digaga menua bukai.

“Sarawak ulih bejalaika pangku pengawa diri ukai semina ngagai menua tu enggau Malaysia aja tang ba rantau tu ari sukut kuasa gadung ulih dikemaru sereta ti nyungkak pemansang ditu,” ku iya.

Tan mansutka jaku nya rambau dirandau pemberita pengudah ngatur penemuai basa OCBC Bank ngagai Premier Sarawak, Datuk Patinggi Tan Sri Abang Johari Tun Openg ba Wisma Bapa Malaysia, ditu sehari tu.

Ba penemuai basa sejam nya, sekeda pekara ti dikerandau nyengkaum chara OCBC ulih mantu ngemansangka strategi Sarawak.

“Pekara pemadu beguna, kitai nerima lalau ari Premier Sarawak lalu raban OCBC ulih nyukung pemansang enggau strategi dalam inisiatif Sarawak nya kebuah kami gaga ulih ngatur penemuai basa tu,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU