ARTIKEL

Pedas Sarikei bepupu mantu SK Ng Serau

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

JULAU: Serakup Dayak Sarawak (Pedas) Sarikei nampung pengawa mantu raban tasah karam di darat menua tu.

Serak tu sida sebuat nganjung bantu ngagai Sekula Primari (SK) Nanga Serau ditu ti udah dituntung penusah angus buding kena lemai 3 Oktober tu tadi.

“Kami dulu baumka pekara ti patut diperati baka bansa utai bantu enggau chara nganjung bantu nya seraya gempung penemu bala mayuh.

“Baka selama, jaku tesau bepupuka belanja entara bala kaban serakup dipejalai nitihka pemisi diri empu lalu nadai tatak penyampau pemeri.

“Udah nya kami lalu nengkira bebelika utai lalu netapka hari bulan nganjung bantu nya enggaika laun laban betatika nasip bala nembiak ke diau bemalam dia,” ku Aldrich ke nyadi ketuai pemadah lebuh dirandau Suara Sarawak.

Ku Aldirch, sekeda ari bantu sida baka kereban tulis nyengkaum pensil enggau bup latih, utai dikena baka kain mandi enggau sabun.

“Pejalai kami sebuat diuluka Ketuai Pampang Lugat Aji, Sekretari Unja Juni enggau sapit iya, Aziman Mahmud, Tukang Wang Maria Ligi sereta bala kaban komiti ke bukai.

“Penatai bala kami kemari mega diambat sereta diterima manah Kepala Pengajar SK Nanga Serau empu, Abdul Razak Amin ti ngarika piak sekula nerima bantu, disempulang bala bukai.

“Kami mega bisi dibai mendingka penerang pasal penusah ke nyadi sereta dibai ngabas taba buding ke angus lengis,” terang iya.

Berebak enggau nya raban Pedas ngarapka nasip bala nembiak ba sekula nya dikenati piak bekaul lalu bantu ke patut deka dirumban.

“Bantu kami tu dikearap ulih ngelempungka tating penusah bala kita seraya nganti bantu bukai udah tu.

“Kami ngarapka sida liat ati napi penguji besai baka tu sereta enda mantul ngapa ba pelajar sekula,” ku Aldrich meri jaku peransang.

Ba penusah ke nyadi urung pukul 5 lemai nya, sepenyampau 41 nembiak sekula, 20 lelaki enggau 21 indu, nadai endur bemalam agi pengudah buding sida angus lengis dataika tinggal tuga.

Taja pia, nadai sebarang penusah bebadi nyawa diripot nyadi lalu pun penusah nyadi agi dipansik.

TINGGAL TUGA… Buding SK Ng Serau angus lengis kena lemai 3 Oktober nyin tadi.

 

SAUP KAMI… Pedas Sarikei diketuaika Lugat nyuaka bantu ngagai Kepala Pengajar Abdul Razak ngarika sekula nya.

BERITA LAIN

Tiga lelaki ditan

MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i

6.49 gram dadah dirampas

KUCHING: Bisi 14 individu ditan ba bemacham penyalah bekaul dadah ba Op Tapis Khas ti dipejalai pengelama tiga hari ngelingi pelilih tu, ari 25 nyentuk

BERITA TERBARU

RM1.272 bilion perkukuh bekalan air di Sarawak

KUCHING: Enam projek bekalan air di Sarawak bernilai keseluruhan RM1.272 bilion akan diteruskan menerusi Pelan Pelaksanaan Berkala Pertama Rancangan Malaysia Ke-13 (RMK13) bagi meningkatkan akses

Polis tahan empat suspek kes khianat simbah cat

MIRI: Gara-gara tuntutan hutang pinjaman wang dalam talian yang dipercayai dibuat oleh anak lelakinya, seorang bapa berusia 54 tahun menerima ugutan sebelum kediamannya di sebuah