Pejalai program bepanggai ba gaya hari

KUCHING: Bisi 25 menua deka bepekit ba ITF World Tennis Tour J3 Edisyen ke-34 diatur berengkah ari 24 ngagai 29 September tu.

Menteri Nembiak enggau Lumba ti mega nyadi Menteri Dagang Temuai, Seni enggau Main Asal Datuk Abdul Karim Rahman Hamzah madah, pekit tu deka ngangkatka Sarawak nyadi palan lumba enggau main sereta dagang temuai.

“Kelimpah ari nya, mayuh pengerami besai deka diatur bulan September enggau Oktober dipelaba deka dikinsil berindik ari gaya hari besebun majak nyadi.

“Pemutus tu mega berundingka pengelikun enggau pengerai bala temuai sereta penyereta.

“Taja pia, kami agi ngarapka gaya hari berinsur manah ngambika program ulih dipejalai baka ti udah diperambu,” ku iya nerang.

Abdul Karim madah munyi nya lebuh dirandau Suara Sarawak pengudah pejalai nemuai meri basa ngagai Kepala Menteri Datuk Patinggi Abang Johari Tun Openg bekaul enggau ITF World Tennis Tour J3 Mangkuk Kepala Menteri Sarawak (II) Renggat ke-34 di Wisma Bapa ditu pagi tadi.

NEMUAI MERI BASA… Patrick (tiga kiba) nyuaka trofi pekit ngagai Kepala Menteri Datuk Patinggi Abang Johari Tun Openg (tengah) disempulang Karim enggau pengari SLTA ke bukai.-GAMBAR NADIM BOKHARI

Suara Sarawak