Peluang belajarka penemu betanam

KUCHING: Universiti Teknologi Mara (UiTM) Sarawak komited nyaup Perintah Sarawak ngemansangka industri betanam betupi ba menua tu.

Rektor UiTM Sarawak, Prof Datuk Dr Jamil Hamali madahka kerejasama UiTM enggau kompeni Mulgowie Farming, Australia entara chara sida ngemujurka juluk nya.

“Kami deka matih mayuh agi nembiak kelebih agi sida ke ngambi pelajar tikas Diploma Pengatur Industri Betanam Betupi nentuka sida tetangkupka peminta industri tu.

“Tu mega siti ari chara kami mantu nembiak nambahka pengelandik sida dalam industri betanam betupi,” terang iya.

Jamil madah munyi nya lebuh dirandau Suara Sarawak pengudah pengawa nyain Sempekat Pemereti Ati (MoU) enggau Kompeni Mulgowie Farming, Australia ba bilik aum UiTM Kampus Samarahan 1 ditu, tadi.

NEMPA KAUL… Jamil (dua kiba) betukar MoU enggau Penyanding Penemu Bagi Pekara Pengereja Pengawa Kompeni Mulgowie Farming Australia, Liam Downey (dua kanan) ba bilik aum UiTM Kampus Samarahan 1 ditu, tadi.

Suara Sarawak