ARTIKEL

Pemansang teknologi LUKUT dirandang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak ulih nyadi pemungkal teknologi pemansang lukut ti bisi pengulih besai nyungkak ekonomi menua tu, ku Premier Sarawak, Datuk Patinggi Tan Sri Abang Johari Tun Openg.

Abang Johari madah, pelasar industri baru nya deka dikemujur pengudah bejadika fasiliti nangkap karbon lukut keterubah enggau teknologi baru ba Tangki Pemansut Kuasa Sejingkat Sarawak Energy ditu.

Ku iya, taba nya entara fasiliti pemansut lukut pemadu besai di dunya.

“Sehari tu, kitai ukai smina meda pengawa bejadi fasiliti baru tang teknologi ti chukup besai dikemansang ba Sarawak.

“Aku baru nemu lukut tu baka utai tumbuh, beguna ke panchar panas, ai, nutrien, karbon enggau pengangat baka ba khatulistiwa ngambi tumbuh betelesak.

“Nya kebuah, karbon dioksida ulih dikena nengah chara ditempa ngambi ngerumban pemansang lukut.

“Nengah konsep tu, aku pechaya tu sebagi ari chara diasil ngena teknologi ke ulih nangkap gas kerumbung ari tangki kuasa enggau mai karbon dioksida ari gas kerumbung ngambi nambahka pengawa nanam lukut dikumbai biorektor,” ku iya.

Abang Johari nibar jaku nya lebuh Pengawa Bejadi Fasiliti Nangkap Karbon Lukut Keterubah Sarawak ba Tangki Pemansut Kuasa Sejingkat Sarawak Energy ditu, kemari.

Abang Johari madah, fasiliti nya sambung ari Tangki Pemansut Kuasa Sarawak Energy Sejingkat enggau teknologi ti ulih dikemansang lalu bisi pengulih mai Sarawak nuju inisiatif gadung baru.

Ku iya, nya deka mai pemaik ngagai bala rayat, nyendiaka peluang kereja baru enggau nyungkak ekonomi Sarawak seraris enggau gaya dunya nuju pemeruan enggau ngurangka pangka ubah klimet.

“Aku pechaya fasiliti pemesai lima hektar tu keterubah ba Malaysia ti ngemansangka gas kerumbung dikena nambah pemansut lukut dalam industri.

“Biojisim lukut tu dikumbai produk bekualiti tinggi baka pemakai, chat, kosmetik, kereban farmaseutikal lalu pemadu beguna minyak bilun (SAF) ti disadang ngelui rega makit USD250 bilion manggai taun 2030,” ku iya.

Kelimpah ari nya, pengawa ngena baru teda karbon ari pemansut kuasa, Abang Johari madah nya deka dilepas ngagai rampa menua ungkup produk beguna.

Ku iya, nya inovasyen ekonomi ngena baru ke alai semua teda dipulai ngagai ekonomi ngambi dikena chara meruan agi.

“Nya alai, tabi puji ngagai Sarawak Energy, Palan Biodiversiti Sarawak sereta bakih kunsi Jipun kami, ENEOS enggau Chitose Group laban udah begulai ngemansangka teknologi baru,” ku iya baru.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup