JULAU: Pelilih Menua Julau enggau Pakan deka disikap enggau servis Mesin Wang Otomatik (ATM) sepengudah peminta ari Kaban Parlimen (MP) Julau dikemendarka.
Kaban Parlimen Julau, Larry Sng Wei Shien udah nganjung peminta tu kena 30 September tu tadi lalu diatu udah nerima saut ti manah ari Unit Strategik Beranakka Puku (SID) sepengudah berandau enggau Bank Menua Malaysia (BNM) sereta Unit Serikat Pemeranak Puku Perintah (GIC).
BNM begulai enggau Perintah Menua Sarawak deka nyediaka mesin ATM ba Opis Pelilih Menua enggau Opis Pelilih Menua Mit ba selampur menua Sarawak ti bedau bisi servis tu.
Ba pekara ke sama, BNM udah mansik bisi 33 bengkah pelilih menua di seluruh Sarawak ti bedau bisi servis ATM tu nyengkaum Pakan enggau Julau.
Bepelasarka nya, PayNet enggau RHB Bank udah besetuju nyediaka sebuah unit mesin ATM ba Pakan enggau Julau.
Sepengudah tu ila, Pelilih Menua Pakan enggau Julau deka nguna servis tu lalu dikearapka ulih dikena enggau lengkas ke pemaik mensia mayuh.
