KUCHING: Semilan iku dara bajik finalis Dayung Gawea Tematu 2022 deka besemekih ngerebut gela champion malam tu (2 Julai).
Chairman Pengatur Karnival Gawea Tematu 2022 John Pata James Jumin madahka raban komiti mega bisi ngatur pekit Onak Dayung Gawea Tematu 2022 (Si Cilik) kena malam 1 Julai.
“Pekit Onak Dayung Gawea Tematu 2022 (Si Cilik) sebengkah aktiviti dikena kami ngayanka penau bala nembiak (talent night), diatur kami tumu laban deka meri awak ngagai pekit besai malam 2 Julai.
“Kami mega deka meri perais pekayan pemadu manah ungkup indu enggau lelaki ti ngena baju asal bansa Bidayuh, Iban enggau Orang Ulu malam nya,” ku iya lebuh dirandau Suara Sarawak, kemari.
Ku John, mensia mayuh dipinta datai bebala mayuh ngerami program tu Balai Mensia Mayuh Kampung Tematu ke alai tama nadai bebayar.
“Aram sampal datai ngerami program ti diatur kami laban chabut tikit benasip bisi disediaka sepemanjai program.
“Bagi pekit Dayung Gawea Tematu 2022, pengawa tu deka berengkah diatur pukul 8 malam,” ku iya.
