ARTIKEL

Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi Utom bejaku lebuh Pengawa Nangguh Sarawak Agrofest di Bintulu empai lama.

Pengaya budaya ulih nambah penatai pemisi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Pengaya budaya enggau pesaka asal etnik Kenyah patut dikemansang nyadi pun ekonomi ti ulih ngerandang peluang penatai pemisi baru ngagai komuniti, lebih agi rebak baru.

Menteri Industri Pemakai, Komoditi enggau Pemansang Kandang Menua Sarawak, Datuk Sri Dr Stephen Rundi Utom madah, etnik Kenyah patut ngembuan tuju ti nyengala ngambi pesaka asal ti dikemisi sida ukai semina terus dijaga, tang mega ulih mai penguntung ekonomi.

Ku iya, produk asal, pekayan, pemakai enggau hospitaliti etnik Kenyah bisi pengulih dikemansang nyadi produk berega ti ulih nambah penatai pemisi.

Rundi madah munyi nya lebuh ngari ke Sapit Premier Sarawak, Datuk Amar Awang Tengah Ali Hasan ba Pengerami Bejadi Sarawak Kenyah Cultural Festival 2026 (SKCF 2026) Edisyen Ke-7 ba Begunan FORUM, ditu Hari Dua tu tadi.

Iya madah, chara nya beguna amat nentuka budaya ukai semina dipandang lebuh bisi pengerami, tang mega majak dikemeran enggau ditampung ngagai rebak dudi.

Ku iya, rebak biak meseti diiring ngambi ulih nyagu budaya Kenyah ngagai tikas ti tinggi agi kelimpah nentuka nya nyadi siti ari pemansut ekonomi.

Berebak enggau nya, iya nyemetak madah ke penyerakup komuniti nyadi pugu nentuka tetiap langgur pemansang ulih dipejalai nemban. Ku iya, komuniti ti beserakup sereta bisi tuju enggau juluk sebaka ulih ngerandang pemansang komuniti. SKCF 2026 ti diatur ari 1 nyentuk 4 September diatur Serakup Nasional Kenyah Sarawak (PKKS) nyadi pelasar ngelaku enggau mandangka budaya sereta pesaka etnik Kenyah di Sarawak.

Ba pengawa sama, Rundi ngemendar agih belanja RM10,000 dikena nyukung pengerami nya seraya RM10,000 da ari Awang Tengah ngujungka semua agih belanja nya RM20,000.

Bela datai, Kaban Parlimen Baram ti mega Pemungkal PKKS, Datuk Anyi Ngau, ADUN Murum ti mega Penyanding Penemu PKKS, Kennedy Chukpai Ugon; Residen Bagi Menua Miri, Galong Luang; Presiden PKKS ti mega Chairman Pengatur SKCF 2026, Kaunselor Romulus Charles Agan Raja; sereta Tuai Komuniti Kenyah Miri, Temenggong Joseph Ngau Lian. – EDISI UKAS

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

Politik Semenanjung tidak jejas GPS – Abdul Karim

KUCHING: Pergolakan politik di Semenanjung Malaysia dijangka tidak menjejaskan landskap politik Sarawak menjelang Pilihan Raya Umum Sarawak Ke-13 (PRU-13), dengan perpaduan rakyat dan agenda pembangunan